Выпадкi, калi можна не вызываць ДАI i запоўніць новы бланк паведамлення аб ДТЗ самастойна

Бланк паведамлення аб ДТЗ не запаўняецца ў выпадках, калі памер нанесенай шкоды ацэнены на суму больш за 200 еўра, шкода нанесена жыццю або здароўю, ДТЗ адбылося з удзелам больш чым дзвюх транспартных сродкаў (далей - ТС), адсутнасці ва ўдзельнікаў ДТЗ дагавораў абавязковага страхавання грамадзянскай адказнасці ўладальнікаў транспартных сродкаў, у асоб, якія кіравалі МС, правоў на кіраванне ТС, наяўнасці рознагалоссяў ва ўдзельнікаў ДТЗ па характары і бачных пашкоджаннях ТС, прад'яўлення прэтэнзій асобамі, якія кіравалі ТС, да стану адзін аднаго.

Гэта значыць можна не выклікаць ДАІ на месца ДТЗ, пры адначасовай наяўнасці наступных акалічнасцей:

1. шкода нанесена толькі маёмасці (людзі не пацярпелі);
2. ў ДТЗ удзельнічаюць толькі 2 транспартных сродкі;
3. вадзіцелі маюць права на кіраванне транспартным сродкам адпаведнай катэгорыі;
4. у дачыненні да абодвух транспартных сродкаў маюцца дзеючыя дагаворы абавязковага страхавання;
5. абставіны прычынення шкоды не выклікаюць спрэчкі і зафіксаваны ў паведамленнях аб ДТЗ;
6. асобы, якія кіруюць транспартным сродкам не прад'яўляюць прэтэнзій адзін да аднаго (г.зн. не знаходзяцца ў стане алкагольнага, наркатычнага і інш. ап'янення);
7. шкода, прычыненая маёмасці кожнага з удзельнікаў ДТЗ, ацэньваецца імі ў памеры да 200 еўра па устаноўленаму Нацыянальным банкам афіцыйнаму курсу беларускага рубля ў адносінах да еўра.